هوسات حماسیه

یاهله ابأولاد یعرب بیکم الراس ارتفع
هم دریتو الیوم اسمکم بین هلناس اشصنع
حتّه صگرالجو تبرید من سمع بیکم وگع
وضل عامر بیکم یتباهه
** ** **
الیبیع اشمایرید ایبیع وخل خل یشتری الشرای
یبیع الهدم لومحتاج وایسد عازته من های
الباعه ابهل وکت باچر یجیه المنزله عنّای
بس لایرضه ابّیعت گاعه
** ** **
دم الما یحرکه احساس ریته ینتهی هلدم
شیفید الرجل بضّج اذاما ابشیمه یتحزّم
یعمی الما جمع گومه اعتقد فدیوم یتندّم
یتندّم لوصارت نیبه
** ** **
مااعدد بل قبایل ولا اخص بیرق قبیله
ولا اگول افلان هزبر کلهه عز گومی واصیله
احنه کلنه اولاد یعرب نرفع احمول الثجیله
والما دنّگ بی نتباهه
** ** **
فخری ابکل اسم یعرب وزودی امن العرب زودی
واذا زندین ما املک ازنود العربی ازنودی
یهل المرجله والزودبیکم تنحمی احدودی
وایضوگ المر من یدناهه
** ** **
رجل لاتحسبه الماحس ولاله ویلزلم فنیان
وگعدته ویل حریم اتصیر مایگعد صدر دیوان
لن طبع الوفی وحسّاس مایرضه الوطن ینهان
وحب گاعه الیسری ابشریانه
** ** **
سیف البل کسر مشچوخ مارد الخصم لوعال
طمّه ولا تحسبه سیف سیف الهل یکرینگال
سیوف اهلی الگبل چانت صقیله اترادم الاجبال
وایضوگ المر من وازاهه
** ** **
اذراع الماشگف بضیج گطعه امن الزند وارمیه
وشخص الیغبل اعله الذل اترکه وبالک اتماشیه
وسیف النایم ابغمده ألحسن منجل اتسمیه
والمنجل سیف ان رد عیله
** ** **
الشیم تاج العرب معلوم وتاج الشیم چفیه
ویلبسهه الذی معیون طبعه ابغیره عربیه
اعتز بألعرب کلهه واحب امی الفلاحیه
الغذّتنی امنصبای الغیره
** ** **
حگی لو افخر ابیعرب حگی لو یعرب اگول
وحگی اتباهه ابلسانی البی نطق طه الرسول
احنه کلنه اولاد یعرب طلغه بفّاد العذول
والراد ایمسنه انگص ایده
اُرحّب بجمیع من شرفونا بحضورهم المتواصل لاسیما الشعراء والاُدباءونتمنی الزیارات المتکررّه والتعلیق الهادف الذی من خلاله نرتقی الا الأحسن والأفضل لخدمة الشعروالأدب والثقافه فی بلدنا العزیز وراجین من الله العزیز القدیران یوفقنا وأیاکم فی جمیع امورنا/والسلام علیکم ورحمة الله وبرکاةُ.....نستقبل الاتصالات والرسائل علی الرقم09163335343
