ابیات من الهت

ابیات من الهات




من هـو گـد حبی یـحـبک مـنهـواک

وآنـه گـلـبی اسـنـیـن ذایب منهواک

ناس یـل تـفـتـن چـثـیـره مـنـهـواک

خـایـف ایـبـدلـوک عـنّی ابـشایعات



بألـشـگـر بألـبـیـض اقـسـم بـسّـمــر

کـلـشـی مـنّـک مـااریـــدن بـسّـمــر

اطــــــلـب اتـمـنـی وتــدلـل بـسّـمـر

امرک اعلی الگلب یصبح کلـنـبـات



اشـگــد صـبح مـالـوم گـلـبـی مـلّمه

اصـواب لا لـوم الّـی یـکـره مـلّـمـه

اصـفـیـت بـعـدک عـلوسـاده مـلّـمـه

ثــغـرک ادوای ویـرد بـیـه الـحـیـاة



تـدری گـلـبی اشگـد صفا الکم ودّوا

هـــــــمــــت بــلـبـیـده بـعـدکـم ودّوا

صـعـبـه حـیـل اجـروح گـلـبی ودّوا

مـصّت اشـفافک تـرد بـیـه الـحـیـاة



مـن رحـت دمـعـات عـینی مـنـشفت

دم تکت اعـلـیـک ضـلّـت مـنـشـفت

مـیت چـنت آنه ابـغـیابک مـنـشـفت

نـورک آنـی اردود ردّتـلی الـحـیاة




عظیم البوخنفرابوتوفیق

ابیات من الهات..فی مناسبة العید

ابیات من الهات ..فی مناسبة العید



عـیـد هـلیوم ابـنـزلـنه امـعـایـدین

وانـتـظرناهی یمرنه امعـایــدیـن

بوسه واگضی اللیل کله امعایدین

ایـحـرّم الـبـوسه الذی بیهه الحیاة



عـیـدیـاعـیــدالــنـزلــنـه ونّـعـیـد

عـیـدحـته ایـصیر لـلحی ونّعـیـد

عـیـد مـن اتـعـیـداعـیّــدونعــیــد

ایّام حبنه البیهه اجمـل  ذکریات



عـیدعـدنه من تجونه عـدنه عـید

وابّعدکم غربه عـدنه عـدنه عـید

لـلدیار الـبـیهه انـتم عـدنه عـید

ولاتخـونه ابّـعـد عـنکـم نـبات



الشاعرعظیم البوخنفر(ابوتوفیق)

هات

یل علی گوم الردیّه کبّریت

ریت ربنه ابناره وجهک کبّریت

من شفت مغصوب حگنه کبّریت

وگمت اصیح الله واکبر علطغات

الشاعر عظیم البوخنفر(ابوتوفیق)

هات فی مدح الزی العربی

لاتبّدل زینه یاخی زینبی

عفّه بی غیره ومراجل زینبی

زینه افضل زی عرفنا زینبی

یبقه رمزالکون رغماً علطغات