مختارات ..من الهوسات

مختارات..من الهوسات



الـما نـفـع اهـله وعـمـامه لاتـضن یـنفـع صـدیج

ایعوفـک ابأ ول مـحـنـتک لـوشهـد لـمعة بـریـج

یخی خاوی الحب عمامه ینفعک ساعة الضیج

یوکفلک لوصارت نیبه



الـخـوّه مـوکـلام انـگـال یـتـغــیّـربـعـد سـاعه

الخوّه اترید واحـد کون معـیون ابوفی اطباعه

الخوّه اترید گلب انضیف وایرش ریح نعناعه

والزلّه ابطیبه ایعدّیهه



تـواضـع للاخـولـتگـول آنه ابن الـزعـیـم افلان

تـواضع بـل تـواضع صیرللطا لب فخر عنوان

الفخر مو والدی اشسوّه الفخر للیوگف ابمیدان

صدگوم الیوداسوگاعه



عزمک ابعزم ابن عمک شده واتلگّه الخصم

واوگف ابساحة الکلفه وزیح عن بیته الهضم

رخّص الروح ابوکتهه وبالک اتماشی الظلم

لاتقبل من ظالم عیله



الشاعرعظیم البوخنفر (ابوتوفیق)

هوسة..العید

هوسة.. العید




العید فرحه العید لمّه العید اخو ایصافح اخو

الـعید هلـهولة الحـرّه الدوم متـعـنزه ابکـفـو

الـعـیـد لـلـعـاند الـبا طل مایـد وّ رعـل دفــو

لـوثـار الـصـد مـاعـز روحـه



الشاعر عظیم البوخنفر (ابوتوفیق)






العید فرحه العید هوسه العید بسمات وسرور

الـعیدجمعه الـعیدلـمّه الـعید اُلـفه الـکل غـیـور

العیدبچفوف العواطـف یعـصراگـلوب الـزهـور

وایـعـطّـرجـو الـمـعـمـوره



الشاعرمحمد ابوعمار الحزباوی

هوسه

طبعی مامد ایدی لحّد وچف غبر ماصافحی

اشمایلچنی الظیم اکابر لویطحنونی ابرحی

وطبعی آخذ حگی بیدی وهدّتی اتصیر الضحی

وماروح ابلیل احرگ بابه

الشاعرعظیم البوخنفر(ابوتوفیق)

هوسات من الشاعر ابوعمارالحزباوی وعظیم البوخنفر

حال بالدیـــره الجحیــل اوعَــسَّم التـــل والهـــَرِد

اوطلـع البگلب النخیـــل اشما دفــع صـده البـــرد

العاشگ ابروض المحبه اشما سعی الشتل الورد

ینصد وایعَسِّم چف ایده

محمدابوعمارالحزباوی

یاخی دمنه ایفورغیره ومایمض بینه الجحیل

وطلعت البرحیه صلبه مالهه ابکل حی مثیل

نشتل اورود المحبه ونحلف ابراس الکفیل

والمسهه ابسوء انگص ایده

الشاعرعظیم البوخنفر(ابوتوفیق)

هوسات فی رثاء الشیخ یونس امیر خنافره

من خبر موتک سمعته ضیّگ ابعینی الفضی

وگمت احس گربت منیتی والعمر چنّه انگضی

بالله لویسئلنی عنک شرداگل عبد الرضا

    

    لوگال الوالد چاوینه

   

    **       **      **

من خبر موتک سمعته سهم صوبلی الدلیل

وحملی یل مشیول دومه عل متون اصبح یمیل

من بعد عینک یا یونس چن گرب یوم الرحیل

     

   والموته ویاک اشمحلاهه

هوسات حماسیه

یاهله ابأولاد یعرب بیکم الراس ارتفع

هم دریتو الیوم اسمکم بین هلناس اشصنع

حتّه صگرالجو تبرید من سمع بیکم وگع

   

      وضل عامر بیکم یتباهه

  

      **        **         **

الیبیع اشمایرید ایبیع وخل خل یشتری الشرای

یبیع الهدم لومحتاج وایسد عازته من های

الباعه ابهل وکت باچر یجیه المنزله عنّای

   

    بس لایرضه ابّیعت گاعه

  

     **      **        **

دم الما یحرکه احساس ریته ینتهی هلدم

شیفید الرجل بضّج اذاما ابشیمه یتحزّم

یعمی الما جمع گومه اعتقد فدیوم یتندّم

   

    یتندّم لوصارت نیبه

    

  **        **       **

مااعدد بل قبایل ولا اخص بیرق قبیله

ولا اگول افلان هزبر کلهه عز گومی واصیله

احنه کلنه اولاد یعرب نرفع احمول الثجیله

 

     والما دنّگ بی نتباهه

 

    **        **        **

فخری ابکل اسم یعرب وزودی امن العرب زودی

واذا زندین ما املک ازنود العربی ازنودی

یهل المرجله والزودبیکم تنحمی احدودی

     وایضوگ المر من یدناهه

     **      **        **

رجل لاتحسبه الماحس ولاله ویلزلم فنیان

وگعدته ویل حریم اتصیر مایگعد صدر دیوان

لن طبع الوفی وحسّاس مایرضه الوطن ینهان

 

      وحب گاعه الیسری ابشریانه

       **        **       **

سیف البل کسر مشچوخ مارد الخصم لوعال

طمّه ولا تحسبه سیف سیف الهل یکرینگال

سیوف اهلی الگبل چانت صقیله اترادم الاجبال

 

         وایضوگ المر من وازاهه

 

       **        **           **

اذراع الماشگف بضیج گطعه امن الزند وارمیه

وشخص الیغبل اعله الذل اترکه وبالک اتماشیه

وسیف النایم ابغمده ألحسن منجل اتسمیه

        والمنجل سیف ان رد عیله

 

       **         **          **

الشیم تاج العرب معلوم وتاج الشیم چفیه

ویلبسهه الذی معیون طبعه ابغیره عربیه

اعتز بألعرب کلهه واحب امی الفلاحیه

       الغذّتنی امنصبای الغیره

       **        **         **

حگی لو افخر ابیعرب حگی لو یعرب اگول

وحگی اتباهه ابلسانی البی نطق طه الرسول

احنه کلنه اولاد یعرب طلغه بفّاد العذول

 

     والراد ایمسنه انگص ایده

هوسات

علّم ابنک عل مجالس علّمه افنون الحچی

 خل عمامک یبنی سورک واگعدابفیّه انتچی

 الما حفظ گومه وعمامه گعدبس کض البچی

 دمعات العین ایهل بیهه

 

علّم ابنک عل مجالس علّمه افنون الکلام

گلّه یبنی خاوی نشمی حتّه یصبح لک وسام

 وابدلاتگصی ابعمامک اسمک امن اسم العمام

 لوثار الماو اطّگ بیهه

 

علّم ابنک عل مجالس علّمه افنون العلم

وگلّه یبنی الشرف حفظه الشرف بالک ینهدم

 الشرف اسمک واسم اهلک الشرف لاموهدم

واتبدله وتلبس لک غیره

الشاعرعظیم البوخنفر(ابوتوفیق)

هوسات فی حق ابوالفضل العباس

زینب من نخت عباس گلهه ابکل عزم بشری

لازم کون اجیب المای لو بلمشرعه گبری

جابه ورد یجیب اردود یاخی بل جره تدری

 
          اچفوف الباسل گطعوهه

الخوه والوفه والجود کلهه انطبعت ابعباس

و زاد الهه الوفه و ایمان ماینعد ولا ینغاس

وسیفه البل حرب معلوم یشهدله الدرع والطاس

        وتشهدله اچفوفه البل ساحه

بقت تتراجف امنل خوف من یاهه البطل عباس

حارو بل مفر لاوین  راسً یطگ گام ابراس

سوّه البل سلف ماصار یحصد بیهم ابکل باس

           وخله الدم لرچاب احصانه

کض سیفه ابیمینه وگام قسم بلخوّه یفنیهه

حصد بیهه حصاد الروس ضیّگ کل ارض بیهه

صاح  ابصوت یاکفّار یاکم ابن  حامیهه

    
     والیوم ایردحیدر یومه