قصیدة..المعاند

قصیدة.. المعاند

خنعوف المعاند واحد اویه الّاخ 

وخل نطوی زمان الغیض واندفنه

وخل نبدی بدایه من جدید الیوم

خل نربط الخوّه ونعبر المحنه

یاخی مومهم من یا عشیره اتکون

والمن تنتمی ویا بیرق اتحضنه

خل انصیر واحد لا نصیر اثنین

اشفادتنه الحیل والغیض والفتنه

اشفادالفات والحصرات والتبعیض

شوف التفرقه لاوین ودتنه

اشفاد الکره واشفادت الاحقاد

شتفید الحیاة ابلا کرامتنه

یاهو المستفید ویاهو وده انضیع

غیر ابن الزنی الما یحب لمّتنه

حط عگلک ابراسک بالله فکّرزین

فکّرلاتغرّک های دنیتنه

وخل یعرف عدونه من نشد احزام

گبل طرت الفجرنوصل الغایتنه

خلینه انتکاتف خل نصفّی الرای

وانحط اید بیدانعلّی رایتنه

لاتگصی ویه اخیّک واتحفرله بیر

تندب علزمان اتگول شتتنه

احنه اتشتتّینه ابقلّت التدبیر

واحنه ال بلحقد طشرنه خوتنه

کافی تفرقه وکافی ابظلام انعیش

لانخسر بعد واتروح عزّتنه

موکافی مذلّه وکافی بس صفنات

گلّی اشحصلینه ابهای صفنتنه

الشاعرعظیم البوخنفر (ابوتوفیق)

هات

یل علی گوم الردیّه کبّریت

ریت ربنه ابناره وجهک کبّریت

من شفت مغصوب حگنه کبّریت

وگمت اصیح الله واکبر علطغات

الشاعر عظیم البوخنفر(ابوتوفیق)

هوسات من الشاعر ابوعمارالحزباوی وعظیم البوخنفر

حال بالدیـــره الجحیــل اوعَــسَّم التـــل والهـــَرِد

اوطلـع البگلب النخیـــل اشما دفــع صـده البـــرد

العاشگ ابروض المحبه اشما سعی الشتل الورد

ینصد وایعَسِّم چف ایده

محمدابوعمارالحزباوی

یاخی دمنه ایفورغیره ومایمض بینه الجحیل

وطلعت البرحیه صلبه مالهه ابکل حی مثیل

نشتل اورود المحبه ونحلف ابراس الکفیل

والمسهه ابسوء انگص ایده

الشاعرعظیم البوخنفر(ابوتوفیق)

قصیدة ..مرالعسل

اشگد مر العسل عندی لوباتن ذلیل وروحی مهضومه

واذا ماتنسمع کلمات الی والروح مالومه

ولا افرح ابکثر المال لومالی ربع خلان ملمومه

لئن تبقه الربع عندی ابلبیب احشای مرسومه 

ویضل عندی الصبر حالی اذاگاعد عزیزونفسی محشومه

ویعجبنی الرجل ب الکون لوثار الفشگ کلوکته جیدومه

ولولچه الوکت فد یوم فد یوم مایمدللخلگ ایده ولوحته یبیّع بیته واهدومه

واذاکثرت علی لهموم مایعرف عدوّه ابسره واعلومه

ومن یگعد ابمجلس والحچی الیحچی ادگولنه شعر کلماته منضومه

وکل کلمه الحچاهه ابیوم عند المجتمع کلوکت مفهومه

وبأخلاقه الّطیفه امونس الحضّار کل گلب الحزین ازیحله اهمومه

هو هیچ الرجل کلوکته کون ایصیر اله کلمات اله وگفات معلومه

الرجل موبس رجل اسمه الرجل لومات لازم ینذکر یومه

الرجال اشکال عدنه وشرد اوصّفهه بیهم کل حیایه الرگط مسمومه

وبیهه اسباع یوم الکون میهاب الممات ان مسک زردومه

وبعض ارجال اسمهه ارجال گبل النایبه لاتصیر تلگه الروح من الجسد مهزومه

ولوگعدة زوالی اتصیرتلگا بل حچی الیحچی ادگول انّه سبع گومه

وابیع المراجل محّدایلحگه لچن لوراح داره ودخل مهیومه

تتلگّاه مرته یاخی واتضربه واهو مندیله بیده ایمسّح ادمومه

هیچ ارجال لاتعدهه علیه ارجال هیچ ارجال کون اسنین صارالهه سبع گامات

تحت الارض مطمومه 

الشاعر عظیم البوخنفر(ابوتوفیق)

قصیدة.. الماجده

یاجمیله اوعی تغترّی ابجمالچ

و الغرور  ایحطّم انواع  الجمال

ابفّه سیری امن الستر لبسی الثیاب

بی تحصلین الفخر بی کل کمال

الستر عنوان کل مرأالکفوئه

والستر اجمل واحله الکل خصال

العفّه رمزالمرأرمز الکبریاء

العفّه نور ونور مابعده زوال

انتی اجمل مثل یوجد بلوجود

الما مثل بلکون یشبه هل مثال

الرجل ربچ کتب لیه الحروب

واجرچ ابحسن التبعّل کل قتال

حافظی عل زوج بل عفه احفظیه

وابطریق اسلام ربیله الجهال

وابطریقت فاطمه بنت الرسول

سیری وعوفی طریق اهل الضلال

حفظی دینچ واعبدی رب العباد

ولاتدخلی ابیوت بیهه القیل وقال

المرأ مرآة الحیاة المرأنور

المرأماتتغدّرابمال وحلال

المرأزینه للرجل موکل مکان

المرأهیه التصنع انواع الرجال

انتی ام للمجتمع وام کل غیور

انتی للضامی الذ مای الزلال

وهاجمال المرأموظاهرهه لا

الباطن المطلوب وابمشی اعتدال

والّذی اتلطخ الوجه حمره وبیاض

وتطلع استعراض واتسوّی انشغال

تعد من اتفه بنات ال بل وجود

وما ابدّلهه ولا حته ابنعال

موجمال الروح باقی ایضل مدیم

بس جمال الوجه مایبقه محال

والعمر ایّام هم تگضی وتروح

اتخلّص ابحسبات واتمر کل خیال

والگبر هوّه النهایه الکل وجود

اشمایرید ایعیش واشماعمره طال

ومایعرف الموت شایب وله شاب

والوصل یومه ابد ماله مجال

وموتفاخربین هل تعبت سنین

وبین ذیچ العاشت العمر ابدلال

ولا بملبوس الحریر وبلقصور

ولابملبوس الجدید وبلسمال

الفخرلّلی مشیهه ابعفه دوم

وکل حچیهه ابثگل موزون ابعدال

والتگصّرثوبهه وتلبس مودیل

هل فعل معروف من ارذل فعال

والثقافه موش للیطلع جسمهه

ولا الذیچ الغلّدت مشی الغزال

ولا الذیچ الکشّرت یم الجیع

و ویّه ذاک الزوج تمشی ابأحتیال

الکفو ذیچ الّی تعبت جاهدت

عاهدت وی زوجهه وسهرت لیال

وصبرت ابضیم الوکت وابکل مرار

وغنعت ابخبزه ورضت بأبصط ذلال

هیّه های الماجده البیهه افتخار

هیّه های الجاوبت عن کل سؤال

هیّه های النجمه واحلی امن النجوم

واحلی شمس او احلی من نور الهلال

الربّت وتعبت ابأیّام وسنین

وبقت رمزالمجتمع وابکل جیال

هیّه های الحافظت عل اسره دوم

ابکل طریق التسلکه اعلیهه انتکال

الشاعرعظیم البوخنفر(ابوتوفیق)

هوسات فی رثاء الشیخ یونس امیر خنافره

من خبر موتک سمعته ضیّگ ابعینی الفضی

وگمت احس گربت منیتی والعمر چنّه انگضی

بالله لویسئلنی عنک شرداگل عبد الرضا

    

    لوگال الوالد چاوینه

   

    **       **      **

من خبر موتک سمعته سهم صوبلی الدلیل

وحملی یل مشیول دومه عل متون اصبح یمیل

من بعد عینک یا یونس چن گرب یوم الرحیل

     

   والموته ویاک اشمحلاهه

ابوذیه..فی حق شیخ یونس

ابدلاموعجیب الگلب یونس

عله الی کلوکت ملگاه یونس

احسّن من رحل هلیوم یونس

نار ابلب دلیلی اسعرت لیه

اعزی نفسی وعمومتی وجمیع عرب خوزستان ب وفاة المرحوم شیخ

یونس ابن المحوم شیخ جهادامیر خنافره راجین له المغفره والرضوان انا

لله وانا الیه راجعون

قصیدة..العشگ

قصیدة ..العشگ

الحیاةابلاعشگ مره ولاتنطاگ

وشله بلحیاة المایحب بیهه

الحیاة ابلاعشگ شجره بلایه اوراق

وشجره ابلاورق محّدیخلّیهه

الحیاة ابلاعشگ شمعه ابمهب الریح

اول ماتهب الریح تطفیهه

الحیاة ابلا عشگ طیر ابجنح مکسور

وطیرابلاجنح ماصعدعالیهه

الحب واجب وجوبه کل اکل والمای

وابلامای روحک بیش ترویهه

واغصان الحیاة ابلاعشگ تذبل

واذاشجره اذبلت حل الشلع لیهه

المایعشگ ابدلالا تعدّه انسان

کل انسان روحه العشگ غاطیهه

موقصدی العشگ بس هل تفکّر بیه

العشگ اقسام عدنه وکثره اسامیهه

عشگ الله ونبینه وعترته الاطهار

ربنه امن الدنس هوّه الیّ حامیهه

وعشگ الجار عشگ الکرم عشگ الخیر

عشگ کلمة حقیقه البطل داحیهه

وعشگ الوطن عدنه واجبه کألدین

وحتّه الروح لأجل الوطن نفدیهه

الشاعرعظیم البوخنفر(ابوتوفیق)

هوسات حماسیه

یاهله ابأولاد یعرب بیکم الراس ارتفع

هم دریتو الیوم اسمکم بین هلناس اشصنع

حتّه صگرالجو تبرید من سمع بیکم وگع

   

      وضل عامر بیکم یتباهه

  

      **        **         **

الیبیع اشمایرید ایبیع وخل خل یشتری الشرای

یبیع الهدم لومحتاج وایسد عازته من های

الباعه ابهل وکت باچر یجیه المنزله عنّای

   

    بس لایرضه ابّیعت گاعه

  

     **      **        **

دم الما یحرکه احساس ریته ینتهی هلدم

شیفید الرجل بضّج اذاما ابشیمه یتحزّم

یعمی الما جمع گومه اعتقد فدیوم یتندّم

   

    یتندّم لوصارت نیبه

    

  **        **       **

مااعدد بل قبایل ولا اخص بیرق قبیله

ولا اگول افلان هزبر کلهه عز گومی واصیله

احنه کلنه اولاد یعرب نرفع احمول الثجیله

 

     والما دنّگ بی نتباهه

 

    **        **        **

فخری ابکل اسم یعرب وزودی امن العرب زودی

واذا زندین ما املک ازنود العربی ازنودی

یهل المرجله والزودبیکم تنحمی احدودی

     وایضوگ المر من یدناهه

     **      **        **

رجل لاتحسبه الماحس ولاله ویلزلم فنیان

وگعدته ویل حریم اتصیر مایگعد صدر دیوان

لن طبع الوفی وحسّاس مایرضه الوطن ینهان

 

      وحب گاعه الیسری ابشریانه

       **        **       **

سیف البل کسر مشچوخ مارد الخصم لوعال

طمّه ولا تحسبه سیف سیف الهل یکرینگال

سیوف اهلی الگبل چانت صقیله اترادم الاجبال

 

         وایضوگ المر من وازاهه

 

       **        **           **

اذراع الماشگف بضیج گطعه امن الزند وارمیه

وشخص الیغبل اعله الذل اترکه وبالک اتماشیه

وسیف النایم ابغمده ألحسن منجل اتسمیه

        والمنجل سیف ان رد عیله

 

       **         **          **

الشیم تاج العرب معلوم وتاج الشیم چفیه

ویلبسهه الذی معیون طبعه ابغیره عربیه

اعتز بألعرب کلهه واحب امی الفلاحیه

       الغذّتنی امنصبای الغیره

       **        **         **

حگی لو افخر ابیعرب حگی لو یعرب اگول

وحگی اتباهه ابلسانی البی نطق طه الرسول

احنه کلنه اولاد یعرب طلغه بفّاد العذول

 

     والراد ایمسنه انگص ایده

قصیدة..السکوت

لاوین انضل نسحگ علحگ  والباطل دومه ایرک بینه          

ولاوین انضل نجری الدمعه ونسکـت علراد ایـبـچیـنـه          

  

  ولاوین اهل الباطل تضحک  والحگ من دم تهمل عینه             

ولاوین انضل مانـتـعـلّـم ماناخذ عـبـره امـن اسـنـیـنه         

 

  چـم دوب ابـذل نـبـقـه نسکت  والـعـالم کـله ایأذیـنـه           

وچم دوب ابوجه الغش نضحک هاخاف افلان ایعادیـنـه          

نـتـظاهربلغـش ماندری واحـنه النـدری الـبـاطـل ویـنه          

واحنه الندری ونعرف کلشی بس یاخی الخوف السابینه         

الیمته انضل نسکت ماننطق والیمته انضل نهوه الشینه        

الـیمـته انـضل اعدانه ابـتأمـر واحـنه الـکل امـر امنفذینه         

الیمته انضل آله الکل طاغی  ابکیـفـه اشماراد ایمشّینه        

ایمته الیمته الیمته احنه انضل   خـاتم للباطل بـیـمـینه        

احنه المانوگف للباطل   سدّه وحگنه احنه امـضـیـعیـنـه         

واحنه الراضین ابهل ذله  والراد ایـذلـنـه احـنـه انعـیـنـه       

تظلم بینه اعدانه واحنه  کل طـفـل امـشـبـگـین ایدینه       

شجرا ابصحرا اصبحنی ومامش  قطرة مای الّی اتروّینه        

ودرب اهلی الچانو یمـشـونـه راح اتبـدّل والـمـاشـیـنـه         

مـاتـو والمـیّـت شـیـرجعه شـیـرده الـمـدفـون ابـطـیـنه        

بس گالو مامات الخـلّـف واهـلی الخلـفـو گـوم الـزیـنـه      

واحـدهـم عـن مـیّـت  فـارس مـایـتراجـع عن مـاضـیـنه        

ولــــــونـادو یـعـرب یـتـقـدّم وایـدافـع عـن اصـلـه ودیـنـه        

مختارات من..الأبوذیات

مختارات..من الأبوذیه

                      بـــدیـنـه صـعـدیـنـه الـنـذل فـیـهـیـن                      

بـیـنـه وکـل شـطـوط الاهـل فـیـهـین

یـــنـخـلات الاهـل یل جـان فـیـهـین

یــلـمنـه اتــحـطّـبـن بــید اجـنـبّــیـه

    **      **      **

الـحـچـه کـلمـة صدگ سمّوه مختل

عگل چی لن و گـف بضّـیـج مـخـتـل

ا حــبّـه والـیـحـبّـه ابــصـدگ مــختل

لـخـوه و بـل نـگــب ذ بّــه ابـهــبــیّـه

   **       **       **

الوکت بس وی سلیم الذات منحوس

طلـع وایـرید عـل ذل نـضل مـنحـوس

الحچه کلمة صدگ ضد ظلم منحوس

تــراحــة مــو ت و سـد و ه الـمـنــیّـه

    **      **      **

وکـتـی اصـبح صـعـب عـسره علـیمر

و لالـی امـنـخـو تـی و ا حـد علیـمـر

لـون بـعــد الــعـسر یا طــر عـلـیـمـر

تـضـی و یـه الـما یـمـر بـل مـحن لیّه

    **      **      **

الماعنـده صـدگ بـل سـلـف شـیـما

اله ولا ینـحـسـب مـن اهـل شـیـما

شـی نا ر الـرجـال ابــحـرب شـیـما

تـبـخ نـار الـجـهـل بــلـعـگـل هــیـه

الشاعر عظیم البوخنفر(ابوتوفیق)

قصیدة..اللُغه العربیه

احب بسمـچ اگـولـن شـعـری الـلـیـلـه

                       

       مـن اطـیـب کـلام اجـمـع غـوافـیّــــه       

بیچ افخر واجادل واحچی ابشمرات

                   

افــخـر لـن کـلمتی البیچ مـحـچـیه

وبیچ اگدر اگولن اصلی یا مـن ویـن

                               

  بــیـچ الـکـون کـلّـه ازدهـر نـادیّـــــه

بیچ احنه انتـمـاثـل بـلـفـخـر وانـگـو

  مــن اطـیـب کـلام الـشعـر یـومـیّــه

بیچ احچی القصائد واجـمـل الابـیـات

                                 

مـن کـل نـوع مـیـمـر والابـوذیـــــــــه

نضل بسمـچ نـجـاهـد لآخـر الانـفـاس

                               

   مــــانـقـبـل نـعـیـش ابـذل عـبـودیّـه    

مـا اگـدر اوصـفـچ والـوصـف کـلمـــات

                                  

وانـتـی الـکـل کـلام وکـل مـعـانـیّــــه

شرد احچی وشگولن شرد اوّصف بیچ

                                 

کل کلمه ال تـلـفّـض بیـچ مـبـنـیّـه

یابـحـر الکـلام الـمـانـعـبـر لانـگـاش

                                  

مـنّـه ایـخـاف کـل من جاب طـاریــه

یل مالچ وصف لولـم جـمیـع اشعـار

                                  

مـوکـلمـات لـومـقـطـوعـه شـعـریـه

یل بیـچ انـبعـث مـن ربّـنـه الــقـرآن

                                  

نــزلــت بــیــچ آیــات الـسـمـاویّــــه

نضل بسمچ نـجاهـدمانـطـخ الراس

                                 

نـمـشی ابـکل دروب الـبـیـهه حرّیّه

وعلیچ انضل نحافظ اکثر امن العین

                                  

یـخسه الگـال مـن البـال منـسـیّه

ویخسه الگال عادات العرب عـادات

                                  

مابـیـهـه الاصـاله وکـلـهه شکـلـیّه

بل جذر الاصاله امن العرب منسوب

                                  

جاهل ضـل غـبی الما حطله همّیه

بیچ ایضل اسمنـه الـتاج فوگ الراس

                                  

وانـتـی انـتـی الاصـل من گال عادیّه

انـتی الـمـاگـدر واحـد یـوصـفـچ یـوم

                                 

انـتـی اعـظـم غـنـابـل نـوع ذرّیّــــــه

یـا کـلـمـت هـلی یـامـنـوره الـدیـوان

                                 

یـابـسمـة اگـلـیبـی وکـل امـانـیّــتــه

یاشط الـفـهـم یـا سنـبـلـت نـیسـان

                                  

یـاچـفّـت نـهـرنـه الـمـی عـذب مـیّـه

یــــاتــاج الـعـروبـه وتـاج لـهـل الـکـون

                                 

یـاتـاج الـبـشـت واعـگـال چـفّـیـــــــه

یـل بـیـچ الوطـن یـزهی ویـشع انـوار

                                

ابـهـوره وطـیـوره اتـنـاغـی بــردیّـــتــه

وجلسات الاهل تحچی وتسولف بیچ

                                 

وایـشربـو العـذب مـن مـی شـواطـیّـه

یـامـحـلـه الـبـیـادر والـنـخـیـل اشـکــال

                                

گـــنـطـاره وابـریـمـه  ومـحـلـه بـرحـیّـه

حـبـچ بـلـگـلـب مـکـتـوب مـو بــــــاوراق

                                 

مـــــــــــــایــنـبـاگ واتـبـوگه الـحـرامـیّـه

ما اوصف شعوری اشما حـچـیت اشعـار

                                  

شـرد احـچـی وشـگـولـن بـعـد مـابـیّـــه

وانـــصـح لـل یـخـالـط بــیـچ ای کـلـمـات

                                 

مـن ای نــوع کـانــت تـعـد سُـخـریّـــــته

لــــئـن انـتـی الاصـل والاصـل مایـنـعـاف

                                  

مـا واحـد گـد ر یـتـرک اهــالـیّــــــــــــــه

اشمایعله الگصب عن اصله واشما طال

                                  

لابـــــد یــوم یــرجــع لاصـلـه تــالـیّــته

وتـبـقـی لـلابـد انـتـی الاصـل مــــادام

                                  

تــــــوجــد بـلـوطـن شـبّـان نـشـمـیِـه

مـا اگـدر احــب امــن الـلُـغـه غـیــــرچ

                                 

لــــــوزادو الـعـمـری امـن الالـف مـیّـه

اریـد احـچی ابـاسـمـچ للحـضور انچان

                                   

مـایـدرون گـلبی اشخافـی مـن نـیّـه

اریـداحـچـی واگـل للـمـجتمع قصدی

                                  

من شعـری الحـچیته الـلُغـه العربیه

الشاعر عظیم البوخنفر(ابوتوفیق)

ابوذیة..الفلاحیه

ابد لا لا ما عو فنهه والفلا

و لاریدن بعدهه ابداً ولفلا

الیحب مایترک احبیبه ولفلا

حیّه اجمل حبیب واحن لیّه

الشاعرعظیم البوخنفر(ابوتوفیق)

قصیدة...کلمة عربیه

قصیدة..کلمة عربیه


واحـیــــاة الله وطـــه وحــیـــدر

واحــــــیـــاة الــهـور وبــردیّـه

واحـیـاة اطـیـور الّـی اتـربّـــت

بأهــواراهــلـی وشـربـت مـیّـه

واحیاة ارضی وارض اجدادی

واحیـــاة الـــمـی ابـشـاطـیــــّه

واحــــــــیـاة ابـنـیّـت دیـرتـنـه

اتـربّــت عـل لـبـس الـبـوشـیّه

واحـــیـاة الصـبـیـان الـتـسـرح

دایـم تـلـعـب گـطـف اعـصـیّـه

واحــــــــیـاة الـحـی الــربّــانـی

واحـیـاة ارجـا لـه الـنــشــمــیّــه

واحــــــیـاة اصـرایـف دیـرتـنـه

ومـوگـدنــه الـشـب لـلـفـجـریّـــه

واحـــیـــاة الـصـوبــاط الـنـلـتـم

بـیـه ونـگـعـد کـل عـصـریّـــــه

واحــــــیـاة الــدلـه وفــنـیـان ال

گـهـوة الـیـرگـص لـلـطـر حـیّـه

واحـیـاة امضایـفـنه الـتـضـحـک

لـلـطـر گـاصـد حـیـنـه ابـجـیّــــه

واحــــــیـــاة الـمـنـجـل والــفـالـه

وبـلــم اهـــل الــحی وامــرادیّــه

واحـیـــاة الـنـخـلـه الـمـشـتـولـــه

ابّـــــسـتـان اهـلـی ویـم سـاجـیّـه

واحـیـاة الــکـرفـه وهـیّـالــــــــه

الـــبـیـهـه انـحـصّـل عـل بـنـیّـه

واحـیـاة الـکـل عـربتی الـیـفخر

بــــعــگــــالـه ولـبـس الـچـفـیّـه

لـوبـسـیوف انـطـگ واتـگـطّـع

لـــــوتـتـعـدّه اجـروحـی الـمـیّـه

ولـومـن رمـش اعـیـونـی اتعلّگ

لـــوجـبـرونـی اشـرب سـم حـیّـه

لـومـیّـت وصـلـه ایـگـطـعـونــی

وتـــاکــلـــــنـی اطـیـور الـبـریّـه

ولـومـوتـن وانـطـم وارجـع حـی

واتــــعــذّ ب وانـــشـک بـلـریّـه

ولــوجـمـعـو نـیـران الـعـالـــــم

کــلـهـه وضـلّـت تـحـرگ بــیّـه

ولـوکـلـزیـت ابـیـــــوم اتــذ وّب

تـصـبـح روحـی الـبـی مـقـلـیّـه

ولـــوجـمـعـولـٌـغـات الـعـالـــــم

کـــلـهـه ویـابـوهـه ابـکـف لـیّـه

ولـتـویــنـطــونـی الـعـا لـم کـلّـه

مـــــابــدلـه ابـکـلـمـة عــربـیّـه


الشاعرعظیم البوخنفر(ابوتوفیق)

       

            

موالات فی حق الامام علی

یا نار زیدی لهب بعد و بعد وشعلی

گلب الحچاهه ونطق کلمه ابنتق وشعلی

ضد الیضد حیدره ولتگول انه وشعلی

ود الیوده وضد کلمن یود لبنود

هاذه علی المرتضی حگنه لون لبنود

ود میت الف مرحبه میّت الف لبنود

باچر ماینفع تره لوگلت ضحک وشعلی

    

      **       **       **

اجمعت واید کتب وادرست بیهن عمر

عن بابکر وعلی وطلحه ویزید وعمر

ماشفت ولحد مثل حیدرابدینه عمر

اوربنه الذّی نصّبه علنا س کلهه ولی

ومنه دروس احفضوقاضی ووزیر وولی

والمایحب حیدره ابشرعی اگله ولی

من کون بیتک عساطول العمر لاعمر

 

        **       **      **

الیُبلا ابمرض لونخه حیدر علی خیبرا

والماعتقد بی وحق طه النبی خیبرا

هاذابیمینه فتح باب وخلع خیبرا

واهوه الصطر لبن ود واصطر بعد مرحبه

بی وصّه طه النبی وامرار مومرحبه

ولوگالو حیدر لفه گام النبی مرحبه

وحته اعله قصت الحسن وحسین اهوخیبرا

الشاعرعظیم البوخنفر(ابوتوفیق)

هوسات

علّم ابنک عل مجالس علّمه افنون الحچی

 خل عمامک یبنی سورک واگعدابفیّه انتچی

 الما حفظ گومه وعمامه گعدبس کض البچی

 دمعات العین ایهل بیهه

 

علّم ابنک عل مجالس علّمه افنون الکلام

گلّه یبنی خاوی نشمی حتّه یصبح لک وسام

 وابدلاتگصی ابعمامک اسمک امن اسم العمام

 لوثار الماو اطّگ بیهه

 

علّم ابنک عل مجالس علّمه افنون العلم

وگلّه یبنی الشرف حفظه الشرف بالک ینهدم

 الشرف اسمک واسم اهلک الشرف لاموهدم

واتبدله وتلبس لک غیره

الشاعرعظیم البوخنفر(ابوتوفیق)

مختارات من المیمر

وّدیت امّی البت نُهی خطبتهه

وبلسان عاشگ منچوی خطبتهه

لمّن شفت امهه ابعجل خطبتهه

گلبی ابنهی اتعلّگ یخی ومال اکثر

خدّچ دمر گلبی ابقهریمشامه

وزال الحزن عنه ارتحل یمشامه

عونه الگعد لیلة سمریمشامه

البل خد ویلتف بلشعر لمنعثر

گلبی الهوه وذاب وحزن لمحمره

خدهه ارتعش گلبی ان سمع لمحمره

اردآنه اشیلن واعتنی لمحمره

بلکی اشوف ام شامه وام شعر اشگر

تمشی الدرب بأمرالگلب رجلیه

للما وفه ویای و وکت رجلیه

لیش امنشوفنه ایحله رجلیه

ولوابعداگلیبی علی یتمرمر

اهلاًوسهلاً بألذی یاهلنه

یاتاج عزتنه وفخر یاهلنه

بیکم یهلنه ابکلوکت یاهلنه

وبیکم علی ابصاط المجد نتصدر

العربی الفخر لامانکرعربیته

العربی ابصموده مادخل عربیته

العربی الیکر راس الذی عربیته

العربی العله العالی ابشیم یتصدر

لاوین نمشی امن الذی مصدمنه

والکل تبّدل حته یل مصدمنه

اشمانریدنبعد بلفلا مصدمنه

بیه وبعد ذاک التعب نتعوّر

یاصاح چن صار الچذب ونسنّه

ابسیف القدردایم نحد ونسنّه

اشلون امشی بدروب الغلط ونسنّه

باچرحسابی وی نکیر ومنکر

الشاعرعظیم البوخنفر(ابوتوفیق)

دارمیات

دارمیات

یل تـحـب تـشـرب چـای وابـنـاره مـحـتـار

فـوره اعـله گـلـبی انـچـان مـاتـنـوجـد نــار

للمزیدتابع الموضوع

ادامه نوشته

مختارت من الومضه

ربیتک ولک من وانته بل کاروک

ویامه الیال خلیتک عله امتونی

چی شفت الشعربی خضّرن شیبات

صرت آنه ابکتابک انحسب دونی

تکلّی انسه الهویته ولاتفکربی

روح اردود دوّرلک ولف ثانی

هوغابل غمیص وحته اطب لسوگ

واختار الغمیص الیستر ابدانی

سالوفه صرت بیهه الخلگ یحچون

مجنون ابهواک الناس سمونی

اگبالی وعلی کلش بعیدارجوک

تعال ابعینی اضمک واغلگ اجفونی

حبیتچ یعمری من وان ازغیرون

وابحضنچ ربیت ایام وردیه

انتی امی وابوی وکل هلی واعضای

مااگدر اعوفچ یل فلاحیه

حبیبی آنه امنشوفک مدری احس شیصیر

احس الکون کله ابشکله یتغیّر

واذا یمی وایدیک اتلامس ایدی اشلون

برکان المشاعر بیه یتفجّر

الشاعرعظیم البوخنفر(ابوتوفیق)

ابوذیات غزل

مختارات من الأبوذیه

ماضن واحد شبیهی ابّلد صحتاه

عگله ابحب ولیفه وفگد صحتاه

گالولی حبیبک مرض صحتاه

یریت البیه صار ایصیر بیه

للمزیدتابع الموضوع

ادامه نوشته

قصیدة...امیرالمؤمنین

یعرفک ربک ابیوم الذی اختارک

                                  امیر المؤ منین و نصّبک بامره

ویعرفک طاهر انته واطهر الکونین

                                 من بعد الرسول ابن آمنه الحره

عاهدت ومشیت ویه الرسول اسنین

                                 ماعفت ابن عمّک ساعة الغبره

وصولاتک بقت مذکوره بالتاریخ

                                 منهوالیگدر اسمک یاعلی اینکره

حلال المشاکل انته الیسموک

                                 و انته الی ابوجودک مابقت عکره

طوّعت الانس و الجن یبوالحسنین

                                  و الاسلام بیک اتثبّت ابنصره

علی من العالی اسمک نزّله و سماک

                                 و  القرآن انته و آیته  و حبره

علی بحر العلم والعلم بیک التاذ

                                 و بحرک یا علی من یگدر ایعبره

من یگدر یوصفک یا علی ابکلمات

                                 یاشاعر یوصفک یگدر ابشعره

و یاهو الذی انولد بالکعبه من هالناس

                                 و من هو الّی ربه ابحضن النبی ابزغره

و یاهو الباب خیبر هدمه ابیمناه

                                 و خبزته من الشعیر امغمّسه ابتمره

و من زکّه ابرکوعه غیر ابوالحسنین

                                  و من علم الرسول الکنّزه ابصدره

انته یاعلی انته امام الکون 

                                 و ابن عم الرسول و اول العتره

انته ابو الحسن و حسین والعباس

                                 و زوجاً للبتول الفاطمه الزهرا

یحتار ابزمانه الفکّر ایعادیک

                                 مایرتاح حته ابدخلته الگبره

ابحیاتک بس ردت ترضی اله الکون

                                  ماردت المقام و لا ردت شهره

طلگت الدنیّه انته ثلث طلگات

                                 و گلت لا مو علی یل دنیته اتغره

مقابل ابن ود طأطأت کلهه الروس

                                 و بس انته البسیفک طیّرت نحره

علی لو لا علی الاسلام چا ماتم 

                                 و الاسلام محد غیرک اینشره

علی لو لا علی القرآن چا عافو

                                  و چت کلمات باعوه ابخسو سعره

علی لو لا علی چا دینه اتحطم

                                  و چان اصبح الدین امچلّب ابشعره

انته یا علی لولاک ماضل دین

                                 و الاسلام  محد چاعرف قدره

الشاعرعظیم البوخنفر(ابوتوفیق)

هات فی مدح الزی العربی

لاتبّدل زینه یاخی زینبی

عفّه بی غیره ومراجل زینبی

زینه افضل زی عرفنا زینبی

یبقه رمزالکون رغماً علطغات

هوسات فی حق ابوالفضل العباس

زینب من نخت عباس گلهه ابکل عزم بشری

لازم کون اجیب المای لو بلمشرعه گبری

جابه ورد یجیب اردود یاخی بل جره تدری

 
          اچفوف الباسل گطعوهه

الخوه والوفه والجود کلهه انطبعت ابعباس

و زاد الهه الوفه و ایمان ماینعد ولا ینغاس

وسیفه البل حرب معلوم یشهدله الدرع والطاس

        وتشهدله اچفوفه البل ساحه

بقت تتراجف امنل خوف من یاهه البطل عباس

حارو بل مفر لاوین  راسً یطگ گام ابراس

سوّه البل سلف ماصار یحصد بیهم ابکل باس

           وخله الدم لرچاب احصانه

کض سیفه ابیمینه وگام قسم بلخوّه یفنیهه

حصد بیهه حصاد الروس ضیّگ کل ارض بیهه

صاح  ابصوت یاکفّار یاکم ابن  حامیهه

    
     والیوم ایردحیدر یومه

قصیدة ظلام اللیل

ظلام اللیل مهما ایطول هم یگضی وفجر یطلع

وطـیر اشـماتعّـله وطار مـن چـبد السمه ویوگع

والعاش ابّـلد غـربه یگـضّی اسنـین اله ویرجع

والجوعان مهما ایجوع ب ارغیف الخبز یشبع

والـیطـلب حـصـاد الخـیـر مالازم حـقـد یزرع

چــذّب والچـذب یـزداد چـذّب والعـدد یـجـمـع

وامـشی اویـه الـنسـیم الـماروتعـلّم فـتن واخدع

وعلّی ابصوتک اعله الحق خل جمع البشریسمع

وخل الضد حچی الچـذّاب من هـاذ الـطعن یبلع

واضـحک عل یـحـب الخیروالجفنه ابوفه یدمع

واصبح کل حنش طبعک تحب تجمع حقد تلسع

وخل کل بد وفه اب هلیوم بصماط الاهل یرتع

واتـغـذّه ابحـقـد کـتّال مص ثدی الحقد وارضع

وطم نورالحقیقه ونور درب اهل الوفه الیصطع

هاذ اهوه الدهر نـدریه طـبعه الکل بشر یصنع

اشماتحقـد بعد واتـزید هـم ال هـل گـلب یـوسع

واشما تجمع جیوش احقاد والهه اسیوفهه التلمع

راس الـرکّـبه الـجـبار لـتـضن لـلبـشر یـخـضع

الشاعرعظیم البوخنفر (ابوتوفیق)